Blog

Haut hu mir eis nei Zoufallsgenerator-Web-App publizéiert, déi et Schüler an Enseignanten erlaabt zoufälleg Lëschten ze generéieren mat ...

- Zuelen (béid ganz Zuelen oder Dezimalzuelen),

- Buchstawen (A-Z),

- Passwierder (8 Zeechen),

- Würfelen (1-6, a verschiddene Faarwen),

- Spillkaarten, souwéi

- Schüler aus hiren eegene Virtuelle Klassen.

Resultater kënnen entweder um Bildschierm ugewisen oder als PDF Dateie gedréckt ginn.

De Zoufallsgenerator ass an der Klassebuch-Web-App vun der Virtueller Klass disponibel, wou en déi vireg Funktioun fir zoufälleg Schülerlëschten ze generéieren ersetzt.

Vill Spaass mat der neier App!

Deng Equipe vum Oli

Den Texteditor vun der Virtueller Klass analyséiert elo Schülertexter, weist hëllefräich Statistiken un an ënnerstëtzt d'Schüler bei der Verbesserung vum Inhalt von hiren Texter. Ausserdeem gëtt den integréierte Spellchecker elo direkt an enger Editor-Fenster ugewisen, sou datt Feeler dann och direkt korrigéiert kënne ginn.

Textupdates ginn elo am Newsfeed vun der Virtueller Klass gesammelt, a béid de Numm vum Auteur an de Numm vum Klasse-Computer (falls verfügbar) wou den Text erstallt ginn ass, kënnen ugewise ginn. Mat engem Klick op en Titel am Newsfeed geet den Text direkt am Texteditor op.

D'Rechestäbercher App bitt elo en neie Modus deen et erlaabt d'Zesummesetzung vun den Zuelen am Raum vu 5 bis 20 ze üben (10 = 1 + 9, 10 = 2 + 8, ...). Et kann een dës nei Méiglechkeet souwuel als Online-Trainer wéi och als Aarbechtsblat-Generator benotzen. Op Aarbechtsblieder gi Rechestäbercher och nach méi kloer ugewisen andeems d'Faarf vun de Punkte méi hell ass.

Vill Spaass mam Update!

Deng Equipe vum Oli

D'Virtuell Klass gouf komplett iwwerschafft, mat engem neie Tab-baséierte User-Interface fir all Apps, souwéi engem Live-Klasse-Feed um Dashboard.

D'Websäit-Tools vun der Virtueller Klass goufe komplett nei designed, all Säite vun der Klassen-Homepage sinn elo komplett personaliséierbar, an du kanns elo Blog Messagen direkt op der Preview-Säit vun dengem Site schreiwen an änneren. Fir all Blog-Noriicht kanns de entscheeden ob en op der Klassen-Homepage, op denger Schoul-Websäit, oder op béiden ugewise soll ginn.

All Learning Management System (LMS) Applikatioune bidden elo en Tab-baséierte User-Interface, an d'Wocheplang-App bitt och e neie Vollbild-Modus. All Screens sinn opgeraumt ginn fir méi e séieren Zougrëff op déi wichtegst Tools a Features ze garantéieren. De Media Manager bitt elo en direkten Zougang zu alle wichtege Verzeechnisser, a Verzeechnisser déi u spezifesch Schouljoer gebonne sinn kënnen elo automatesch generéiert ginn.

Wanns du Member vu méi wéi enger Virtueller Klass bass, da kanns du elo och eng Haapt-Klass uginn, déi dann ëmmer iwwer däi Benotzermenü erreechbar ass.

Déi ganz Virtuell Klass gouf och nach weider fir Tablets a Smartphones optimiséiert.

Vill Spaass mam Update!

Deng Equipe vum Oli

An der Virtueller Klass ass et elo méiglech bis zu 8 verschidde Stonnepläng pro Klass am Klassebuch anzeginn. Fir dat ganzt Schouljoer kanns du de passende Stonneplang (oder Vakanz) pro Woch wielen. D'Stonnepläng ginn automatesch am Klassebuch iwwerholl, an de Rapports, sou wéi och op de Websäiten.

De Media Manager vun der Virtueller Klass bitt vill Verbesserungen am Schüler-Beräich. Dossiers vun de SchülerInnne si nom Virnumm sortéiert, Dossiere vu fréiere Schüler gi nëmme fir Enseignanten ugewisen, an et ginn erweidert Erklärungs- an Hëllegstexter. D'Enseignante kënnen elo d'Dossiers vu fréiere Schüler mat engem Assistent geréieren, deen et och erlaabt Dossiers ze läschen, se an aner Klassen ze réckelen oder se an dem Schüler säi private Media Manager ze réckelen.

Wochepläng kënnen elo mat Schoul- a Klassennimm gedréckt ginn, an Aufgabe-Codes kënnen och ewechgelooss ginn. Notize kënne no Schülernimm oder Stëchwieder duerchsicht ginn, du kanns elo e Status bei all Notiz uginn, an all Notize kënnen och als Textdatei exportéiert ginn.

Vill Spaass mam Update!

Deng Equipe vum Oli

D'Eropluede vun Dokumenter am Blog-Modul ass mam leschten Update staark verbessert ginn. Standard-Ziler a Favorite sinn elo méi einfach ze wielen a kënnen automatesch generéiert ginn, wärend Funktiounen, déi net oft benotzt ginn, fir all Klassen oder souguer fir ganz Schoulen ausgeschalt kënne ginn. Bestehend Posts bidden eng nei Upload-Optioun, déi et och erlaabt direkten Zougang zu Standard-Verzeechnisser a Favoriten ze kréien.

Den Update féiert och eng nei Datum/Kalennerlogik an, déi et méi einfach mécht Datumen ze wielen oder z'änneren. Ausserdeem behiewt den Update eng Zuel vu méi klenge Bugs an eisen e-Learning Apps.

Vill Spaass mam Update!

Deng Equipe vum Oli